Uyg‘onish va yangilanish, qut-baraka elchisi Navro‘zi ayyom shukuhidan dillar yayramoqda. Tinch va osoyishta yurtimizga to‘y-tomoshalar, bayramlar yarashadi.

Mamlakatimizda Navro‘z qadriyatlari bilan joriy yilning Faol tadbirkorlik, innovatsion g‘oyalarni va texnologiyalarni qo‘llab-quvvatlash yili deb eʼlon qilinishida ham o‘zgacha uzviylik mujassam. Aytish joizki, Navro‘z o‘zaro qadr-qimmat, xayru sahovat, mehr-oqibat timsolidir.

Ezgulik, sahovatga yo‘g‘irilgan uyg‘onish, yasharish ayyomi bu yil dillarimizni yana quvonchu shodlikka chulg‘adi. Navro‘z xalqimizni tinchlik, baxamjihatlik, hayru saxovatga chorlamoqda.

Hurmatli yurtdoshlar. Sizlarni mana shu go‘zal, tarvatli Navro‘z ayyomi bilan chin dildan qutlayman. Sizlarga avvalo sog‘lik-omonlik, oilalaringizga tinchlik-xotirjamlik, baxt-saodat tilayman. Ilmiy izlanishlaringiz va o‘qishlaringizda omad yor bo‘lsin. Navro‘zi olamning hayotbaxsh nur-ziyosi qalbingizni poklab, nurafshon aylasin.