Avtomobil shinalarining ekspluatatsion yo‘l bosish meʼyorlari xo‘jalik yurituvchi subyektlarning shinalarga ehtiyojini rejalashtirish, moddiy resurslar harajatlarini, taʼriflarini va soliqqa tortish hisob-kitobini aniqlash uchun mo‘ljallangan.

Avtotransport vositalari, yo‘l-qurilish mashinalari, texnika va mexanizmlari uchun yonilg‘ini sarf qilish meʼyorlari statistik va operativ hisobotni yuritish, yuk tashishda va boshqa turdagi transport ishlarida rejalashtirilgan tan-narxni aniqlash, korxonaning yoqilg‘i-moylash materiallariga bo‘lgan ehtiyojini rejalashtirish, isteʼmol qilinayotgan  yoqilg‘i-moylash materiallarini tejash va energotejamkorlik rejimini amalga oshirish uchun mo‘ljallangan.

Avtotransport vositalarining yo‘nalish va nollik masofalarini o‘lchash. Transport vositalarini bosib o‘tgan yo‘lining masofasini o‘lchash ishlari “O‘zbekiston milliy metrologiya instituti” Davlat muassasasi tomonidan metrologik attestatsiyadan o‘tkazilgan maxsus uskuna (tezlik va masofa optik datchigi ISD-3) yordamida amalga oshirilib kelinadi.

Oʻzbekiston Respublikasida avtomobil transportida yuk tashish qoidalari hamda 1970-yil 1-sentabrda Jeneva shahrida (Shveysariya Konfederatsiyasi) imzolangan Tez buziladigan oziq-ovqat mahsulotlarini xalqaro tashishlar to‘g‘risidagi va ushbu tashishlar uchun mo‘ljallangan maxsus transport vositalari haqidagi bitim asosida SPS guvohnomasini taqdim etish.