Metodologiya bo‘limi O‘zbekiston Respublikasi Transport
vazirligining 2023-yil 27-iyundagi “Transport ilmiy ishlab
chiqarish markazi” mas’uliyati cheklangan jamiyatining ustavi va
tuzilmasini tasdiqlash to‘g‘risidagi 107-son buyrug‘i asosida
tashkil etilgan.
Bo‘limning asosiy vazifa va funksiyalari etib quyidagilar
belgilangan:
-
- Transport faoliyatida texnik jihatdan tartibga solish
sohasidagi normativ hujjatlarni ishlab chiqish;
-
- Markaz faoliyatiga doir normativ-huquqiy hujjat loyihalarini
ishlab chiqish.
Qolaversa, bo‘limga o‘z faoliyatiga daxldor bo‘lgan boshqa
vazifalar ham yuklatilishi mumkin.
Shuningdek, bo‘lim zimmasiga yuklangan vazifalarga muvofiq
quyidagi asosiy funksiyalarni bajarishi belgilangan:
-
a) transport sohasida texnik jihatdan tartibga solish sohasidagi
normativ hujjatlarni ishlab chiqish yuzasidan:
-
- transport sohasida yagona texnik siyosatni
shakllantirishda ishtirok etadi;
-
- O‘zbekiston Respublikasi Transport vazirligiga texnik
reglamentlarni ishlab chiqish dasturlari bo‘yicha takliflar
kiritadi;
-
- shartnoma asosida texnik reglamentlar ishlab chiqadi va
ularni qo‘llash bo‘yicha uslubiy tavsiyalar ishlab chiqishni
amalga oshiradi;
-
- texnik reglamentlarga o‘zgartirish va qo‘shimchalar
kiritish, shuningdek ularni bekor qilish to‘g‘risida
takliflar tayyorlaydi;
-
- texnik reglamentlarning ma’lumotlar bazasini
shakllantirishda ishtirok etadi;
-
- texnik tartibga solish sohasidagi ekspert komissiyasi
tuzadi va uning ishini tashkil etadi;
-
- O‘zbekiston Respublikasi Prezidenti va Vazirlar Mahkamasi
topshiriqlariga binoan hamda o‘z tashabbusiga ko‘ra,
transport sohasida texnik jihatdan tartibga solish
sohasidagi normativ hujjatlar loyihalarini ishlab chiqadi va
belgilangan tartibda ko‘rib chiqish uchun yuqori turuvchi
organga kiritadi;
-
b) Markaz faoliyatiga doir normativ-huquqiy hujjat loyihalarini
ishlab chiqish yuzasidan:
-
- mustaqil ravishda yoki Markazning tarkibiy bo‘linmalari
bilan birgalikda Markaz faoliyatiga taalluqli qonunchilik
hujjatlari, O‘zbekiston Respublikasi Prezidenti farmon,
qaror va farmoyishlari, Vazirlar Mahkamasining qaror va
farmoyishlari hamda boshqa normativ-huquqiy hujjatlar
loyihalari, uslubiy materiallarni ishlab chiqadi;
-
- ayrim hollarda Markaz direktori topshirig‘iga muvofiq
qonunchilik hujjatlari loyihalarini, axborot-tahliliy va
boshqa materiallarni tayyorlash bo‘yicha loyihalarni ishlab
chiqadi;
-
- Markazga kelishish uchun taqdim etilgan O‘zbekiston
Respublikasi Qonuni, O‘zbekiston Respublikasi Prezidenti
farmon, qaror va farmoyishlari, Vazirlar Mahkamasining qaror
va farmoyishlari hamda boshqa normativ-huquqiy hujjatlar
loyihalarini ko‘rib chiqadi;
-
- normativ-huquqiy hujjat loyihalarini ishlab chiqishda
Markazning tarkibiy bo‘linmalariga uslubiy ko‘rsatmalar
beradi;
-
- normativ-huquqiy hujjatlarni takomillashtirish yuzasidan
takliflar tayyorlashda ishtirok etadi. Hamda, bo‘lim
qonunchilik hujjatlarida nazarda tutilgan boshqa
funksiyalarni ham amalga oshirishi mumkin.
Bo‘lim faoliyati jarayonida, 6 ta O‘zbekiston Respublikasi
Vazirlar Mahkamasining qarorlari, 3 ta Vazirlar Mahkamasining
qarorlari bilan tasdiqlangan umumiy texnik reglamentlar, 130 dan
ortiq texnik jihatdan tartibga solish bo‘yicha me’yoriy-huquqiy
hujjatlar hamda normativ hujjatlar ishlab chiqilishiga
erilishilgan.
Shuningdek, O‘zbekiston Respublikasining 36 ta davlat standartlari
ishlab chiqildi hamda xalqaro ISO standartlari bilan
muvofiqlashtirildi.
