Platforma sinov tariqasida ishga tushirilgan

Raqamli nazorat qurilmalarda foydalaniladigan kartochkalarning tuzilish va funksiyalari to‘g‘risida qisqacha maʼlumot

Image
Maʼlumotni tayyorlashda “Xalqaro yo‘nalishlarda yuk tashiydigan transport vositalari ekipajining ish faoliyatiga ta’luqli Yevropa bitimi” (ESTR) ga avtotransport vositalarining raqamli nazorat qurilmasi – taxograflarni o‘rnatish, sinash va inspektsiya qilish qoidalarini o‘zida mujassam qilgan 1V Qo‘shimchasidan foydalanildi. ECE/TRANS/SC.1/2006/2/Add.1
Raqamli nazorat qurilma kartochkalari bu- nazorat qurilmasida foydalaniladigan mikrosxemali kartochka bo‘lib u raqamli nazorat qurilmalariga kartochka egasi to‘g‘risidagi maʼlumotlarni identifikatsiya qilish va saqlashga ruxsat beradi.
Kartochkaning turidan qatʼiy nazar kartochka yuzasiga katta shrift bilan kartochkani beruvchi mamlakatning rasmiy tilida yoki ESTR Bitimi ishtirokchisi bo‘lgan mamlakat tilida “Haydovchi kartochkasi” (Driver card), “Nazoratchi kartochkasi” (Control Card), “Ustaxona kartochkasi” (Workshop Card), “Tashkilot kartochkasi” (Company Card) yozuvlari yoziladi;
Kartochkalar quyidagi ranglarda ishlab chiqarish belgilangan:
  • - Haydovchi kartochkasi: oq
  • - Nazoratchi kartochkasi: ko‘k
  • - Ustaxona kartochkasi: qizil
  • - Tashkilot kartochkasi: sariq
Kartochkalar eng kamida quyidagi himoya elementlariga ega bo‘lishi kerak:
  • - Bir-birini kesib o‘tuvchi yupqa naqshdor chiziqdan iborat himoya foni;
  • - Fotosurat sohasida fotosuratni himoya qiluvchi qoplama;
  • - Mikropechat qilib tushirilgan kamida bitta ikki xil rangli chiziq;
ESTR Bitimi ishtirokchilari BMT EIK bilan kelishgan holda o‘zining milliy ramzlari va qo‘shimcha elementlarni kartochkaning himoya qoplamasiga zarar yetkazmagan holda kiritishlari mumkin.
Himoya tizimi kartochka va nazorat qurilmasi o‘rtasida uzatiladigan, kartochkadan ko‘chirib olinadigan maʼlumotlarni butunligi va haqiqiyligini saqlashga qaratilgan bo‘lib maʼlumotlarni soxtalashtirishdan himoyalangan bo‘lishi kerak.
Kartochka raqamli nazorat qurilmalari hamda kartochka turining identifikatsiya maʼlumotlarini o‘zida saqlashi shart. Kartochka himoya qilishi zarur bo‘lgan elementlar bular - Yevropa ochiq kaliti, Bitim ishtirokchisining sertifikati, kartochka sertifikati va kartochkaning yopiq (maxfiy) kalitidir.
Kartochkalar tuzilishi jihatdan atrof muhit va elektromagnitga moslashuvchan bo‘lishi kerak. Kartochkalar Bitim ishtirokchilari mamlakatlarining barcha klimat sharoitlarida, minimum -25S dan +70Sgacha bo‘lgan temperaturada (4 soatdan ishlatganda) hamda 10% dan 90% gacha bo‘lgan namlikda ishlashga qodir bo‘lishi kerak.